Un emglev etre ar Stad ha Rannvro Elzas

unser_land

War a seblant eo bet a-bouez ar stourm…

E deizioù kentañ ar miz ez eus bet sinet un emglev nevez etre Rannvro Elzas, ar Stad hag an daou zepartamant a ra ar rannvro diwar-benn kelenn an elzaseg evit mont da greskiñ al liesyezhegezh er skolioù en Elzas hag ober ur politikerezh yezh nevez.

24 700 bugel a zo skoliataet en derez kentañ (publik ha prevez) en Elzas en un hentenn divyezhek da lavaret eo 14 % eus ar vugale. Er skolaj, muiocʼh evit 4 400 skoliad (5 %) a heuilh ar sistem-se. Erfin el lise int 1278 (4 %) betek an « Abibac » a ro ur bachelouriezh en alamaneg hag e galleg. Ar Rannvro he deus komprenet ez eo ur perzh mat evit kavout ul labour da vezañ divyezhek (pe muiocʼh).

Hervez Fulup Jakez, rener Ofis publik ar brezhoneg, eo « sklaer ar pal da dizhout evit an Elzasiz evit an tri bloaz da zont : 50 % a vugale divyezhek er skolioù-mamm ha 3 eurvezh kelenn dre ret er cʼhentañ derez evit ar re all. Evel e Korsika ». Ur pal uhel a cʼhaller lavaret met nʼeo ket dibosupl da dizhout gant ma vez ur youl bolitikel. « Hag e Breizh ? » a ouzhpenn rener an Ofis, « peseurt pal goude engouestl an Emglev evit an dazont bet sinet gant ar Ministr Kentañ ? ». Ya, peseurt pal evidomp ?

> Gael Briand

Journaliste. Géographe de formation, Gael Briand en est venu au journalisme par goût de l'écriture et du débat. Il est rédacteur en chef du magazine Le Peuple breton depuis 2010. Il a également écrit « Bretagne-France, une relation coloniale » (éditions Ijin, 2015) et coordonné l'ouvrage « Réunifier la Bretagne ? Région contre métropoles » (Skol Vreizh, 2015). [Lire ses articles]